کراچی: پاکستان کی معروف بیمہ کمپنی جوبلی انشورنس نے تکافل متعارف کرانے کا اعلان کردیا ہے۔ اس ضمن میں کراچی کے مقامی ہوٹل میں ایک پر مسرت تقریب منعقد ہوئی جس کی میزبانی جوبلی لائف اور جوبلی جنرل کی جانب سے مشترکہ طور پر کی گئی۔ تقریب میں بھرپور عزم کے ساتھ تکافل شروع کرنے کا اعلان کیا گیا ہے اور اس کو ملک کی انشورنس کی صنعت میں ایک خوش آئند قدم کے طور پر دیکھا جارہا ہے۔
تقریب میں دونوں کمپنیوں کی انتظامیہ کے اعلیٰ حکام نے شرکت کی جن کے ہمر ہ اہم شراکت دار اور ملازمین بھی شامل تھے۔
ایم ڈی اور سی ای او، جوبلی لائف جاوید احمد نے کہا کہ
جوبلی لائف ہر طبقئہ فکر کے فائدے کے لئے جدید سہولیات کی تیاری کے لئے کام کررہی ہے۔ تکافل کا آغاز اس صنعت کی ترقی میں ایک اہم پیش قدمی ہے اور جس کا ہم بنیادی طور پر پرچار کرتے ہیں۔ جیسا کہ یہ ہماری روایت ہے کہ ہم پاکستانی مارکیٹ کے لئے عالمی معیار کی انشورنس مصنوعات کی تیاری جاری رکھیں گے۔
جوبلی جنرل کے منیجنگ ڈائریکٹر اور سی ای او، طاہر احمد نے بتایا کہ
ہمارا ہمیشہ سے یہ مقصد رہاہے کہ اپنے صارفین کو انشورنس کی بہترین خدمات فراہم کریں اور اس تکافل سروس کا آغاز ہمارے عزم کی یاد دہانی ہے۔
اس موقع پر جوبلی لائف کے ہیڈ آف تکافل ندیم چاندنہ، جوبلی جنرل کے ہیڈ آف تکافل سہیل احمد اور شرعیہ مشیر مفتی ذیشان نے بھی خطاب کیا۔
ایک تبصرہ شائع کریں