بھارت، دہرادون (اردو وائس پاکستان 26 فروری 2016) دی گریٹ کالی کے نام سے مشہور بھارتی ریسٹلر دلیپ سنگ رانا پر حملہ کردیا گیا ہے۔ ہلدوانی، اتھرکھنڈ میں ہونے والے ایک کنٹی نیننٹل ریسٹلنگ اینٹرٹیمنٹ کے دوران حملہ میں کالی شدید زخمی ہوگئے۔ کالی کے سر پر شدید چوٹیں آئی ہیں۔ کالی کو جمعرات کو دہرادون کے میکس ہسپتال میں داخل کیا گیا۔
کالی کا مقابلہ راجیو گاندھی انٹرنیشنل سٹیڈیم ہلدوانی میں غیر ملکی ریسٹلر مائیک ناکس اور بروڈی اسٹیل سے ہورہا تھا۔ ڈاکٹروں کا کہنا ہے کہ کالی کو سر کے علاوہ سینے پربھی چوٹیں آئی ہیں۔ شدید زخمی ہونے کے بعد کالی کو جہاز میں ہلدوانی سے دہرادون لایا گیا جہاں میکس ہسپتال میں علاج چل رہا ہے۔ کالی کے سر پر 7 ٹانکے لگائے گئے ہیں۔ یاد رہے کالی 2007 میں ورلڈ ہیوی ویٹ چمپئن جیت چکے ہیں۔
ایک تبصرہ شائع کریں