کراچی: پاکستان کے معروف اسلامی بینک میزان بینک کے ڈپٹی چیف ایگزیکٹو آفیسر اور نامزد چیف ایگزیکٹوآفیسر سید عامر علی نے سخت نصابی مراحل اورریسرچ کی تکمیل کے بعد بزنس ایڈمنسٹریشن میں ڈاکٹر آف فلاسفی (PhD)کی ڈگری حاصل کرلی ہے۔
یہ قابلِ ذکر سنگِ میل عبور کرکے سید عامر علی پی ایچ ڈی کی ڈگری حاصل کرنے والے پاکستان کے سب سے کم عمر نامزد چیف ایگزیکٹو آفیسر ہیں۔اس طرح انہوں نے کارپوریٹ لیڈرشپ میں اعلیٰ تعلیم اور اسٹریٹجک اسٹینڈڈرز کی ایک مثال قائم کی ہے۔
سید عامر علی کی ڈاکٹریٹ کا تحقیقی مقالہ "اسلامک ڈیجیٹل بینکنگ میں ایکو سسٹم کے ذریعے ایس ایم ای فنانسنگ"کے عنوان سے ہے جس میں اس بات کا جائزہ لیا گیا ہے کہ شریعت کے ااصولوں پر مبنی مالیاتی نظام اور ڈیجیٹل انوویشنزکے امتزاج سے ابھرتی ہوئی معیشتوں، خاص طورپر پاکستان میں چھوٹے اور درمیانے درجے کے کاروباری اداروں (SMEs)کو سرمایہ تک رسائی کیسے حاصل ہوسکتی ہے۔ان کی ریسرچ جامع، اخلاقی اور ڈیجیٹل طورپر چلنے والے مالیاتی سلوشنز کو فعال کرنے کے میزان بینک کے وژن کے ساتھ ہم آہنگ ہے۔
یہ ڈاکٹریٹ کی کوالیفکیشن ڈاکٹر عامر علی کے ممتاز تعلیمی اور پیشہ ورانہ پروفائل میں اضافہ ہے۔ سید عامر علی ایک چارٹرڈ اکاؤنٹنٹ(گولڈ میڈلسٹ)، سی ایف اے چارٹر ہولڈر، ایم بی اے (گولڈ میڈلسٹ)اور سافٹ ویئر انجنئیرنگ کے ساتھ ایل ایل بی ہیں۔ اس کے علاوہ سید عامر علی دنیا کے نامور ایگزیکٹو ایجوکیشن پلیٹ فارمز میں سے ایک ہارورڈ بزنس اسکول کے ایڈوانسڈ مینجمنٹ پروگرام کے فارغ التحصیل ہیں۔
ایک تبصرہ شائع کریں