کراچی : ایمریٹس نے ایشیا رگبی کے ٹائٹل اسپانسر کی حیثیت سے نئی کثیر سالہ شراکت داری کا اعلان کیا ہے جس سے ایشیا بھر کے ممالک میں اس کھیل کو فروغ دینے کے اسکے عزم میں مزید اضافہ ہوگا۔ اس شراکت داری سے ایشیا رگبی 36 ممالک میں 7 کھلاڑیوں اور 15 کھلاڑیوں کے مختلف ٹورنامنٹس کے ساتھ ساتھ ایشیا رگبی چیمپیئن شپ بھی منعقد کرسکے گا۔
ایمریٹس ایئر لائن کے صدر سر ٹم کلارک نے کہا، ''ایمریٹس رگبی کی پذیرائی کی ایک طویل تاریخ رکھتا ہے، اور اس شراکت داری سے اس کھیل کی رسائی کو بڑھانے اور نوجوان کھلاڑیوں کے لئے مواقع پیدا کرنے میں مدد ملے گی۔''
ایشیا رگبی کے صدر قیس الذھلائی نے ایمریٹس اور ایشیا رگبی کے مابین اشتراک پر روشنی ڈالی۔ اس حوالے سے متحدہ عرب امارات ایشیا بھر میں اس کھیل کی ترقی کے لئے اسٹریٹجک بنیاد کے طور پر خدمات پیش کررہا ہے۔
معاہدے کے تحت ایمریٹس کی برانڈنگ تین سال کے دوران 21 ٹورنامنٹس کا حصہ بنے گی جن میں ایشیا رگبی مین اینڈ ویمن چیمپیئن شپس، سیونز سیریز اور یوتھ مقابلے شامل ہیں۔ ایئر لائن کی شمولیت کا آغاز ستمبر میں چین کے شہر ہانگزوہو میں ایشیا رگبی ایمریٹس سیونز سیریز سے ہوگا۔
ایمریٹس عالمی سطح پر رگبی کی بھرپور حوصلہ افزائی کرتا ہے اور اس وقت رگبی ورلڈ کپ، دبئی 7 ایس اور ساؤتھ افریقن ایمریٹس لائنز کو اسپانسر کررہا ہے۔ اس شراکت داری کا مقصد ایشیا میں رگبی کو عام کھیل بنانا ہے، جہاں دنیا کی 60 فیصد آبادی ہے، اور یہ اشتراک ایتھلیٹس کو بااختیار بنانے اور پرجوش پرستاروں کو فروغ دینے سے متعلق ایمریٹس کے ہدف سے ہم آہنگ ہے۔
ایمریٹس 2007 سے رگبی ورلڈ کپ (آر ڈبلیو سی) کو اسپانسر کر رہا ہے اور سال 2011 میں آر ڈبلیو سی کا عالمی شراکت دار بن گیا، وہ ایئر لائن کو رگبی کے کھیل کی دنیا بھر میں پذیرائی کرنے والے بڑے اداروں میں شامل ہے۔ ایئرلائن ورلڈ رگبی کے میچ آفیشلز کی جرسیوں کو بھی سپانسر کرتی ہے جو ایمریٹس'فلائی بیٹر' کٹس کے ساتھ میدان میں اترتے ہیں۔ ایمریٹس کی بھرپور رگبی پارٹنرشپ ساؤتھ افریقن ایمریٹس لائنز اور ان کے آبائی مقام ایمریٹس ایئر لائن پارک تک پھیلی ہوئی ہے۔
ایک تبصرہ شائع کریں