ننھے پپو نے اپنے ابا سے پوچھا " ابا ! انسان کہاں سے آئے ہیں؟"
ابا نے کہا " بیٹا ! اللہ نے آدم اور حوا کو پیدا کیا اور یوں ان سے انسان پیدا ہونے شروع ہوگئے"
ننھا پپو جواب سن کر دوسرے کمرے میں اپنی اماں کے پاس گیا اور یہی سوال دہرایا
" اماں ! انسان کہاں سے آئے ہیں ؟"#
پڑھی لکھی ماں نے جواب دیا "
بیٹا ! ڈارون کی تھیوری کے مطابق بندر کی اولاد بگڑتے سنورتے انسان بن گئی "
ننھا پپو دو مختلف جوابات سے بہت پریشان ہوا ۔۔۔ واپس ابا کے پاس آیا اور ماں سے ملنے والا جواب بتایا اور اپنی کنفیوژن بھی بتائی ۔
ابا مسکرا کے بولا :#" بیٹا ! پریشان ہونے کی ضرورت نہیں۔ ہم دونوں کو اپنے اپنے آباؤاجداد کی معلومات ہیں"
🤣
ڈاکٹر واٹسن اور شرلاک ہومز سیر پر گئے۔ جنگل میں خیمہ لگا کر سو گئے۔ آدھی رات کو شرلاک ہومز نے ڈاکٹر واٹسن کو جگایا اور کہا کہ اوپر دیکھو، کیا دکھائی دیتا ہے۔
ڈاکٹر واٹسن نے نیند بھری آواز میں کہا کہ آسمان ہے بھئی، ستارے دکھائی دے رہے ہیں۔
شرلاک ہومز: اچھا۔ اس کا کیا مطلب ہوا؟
ڈاکٹر واٹسن (غنودگی میں): سنا ہے کہ یہ ہماری کہکشاں ہے جو پٹی کی شکل میں دکھائی دے رہی ہے
شرلاک ہومز: پھر؟
ڈاکٹر واٹسن جو اب کچھ ہوشیار ہو چکا تھا، بولا: سنا ہے کہ ہماری کہکشاں میں سو سے چار سو ارب ستارے ہیں۔ ہر ستارے کے ساتھ کئی کئی سیارے ہونا بھی ممکن ہے۔ عین ممکن ہے کہ ان میں سے بہت سارے سیاروں پر زندگی بھی موجود ہو۔ وہاں کے لوگ شاید دوربین لگائے اس وقت ہمیں دیکھ رہے ہوں۔ پتہ ہے کہ اس جیسی کل کتنی کائناتیں ہیں؟ شاید سو ارب
شرلاک ہومز: اچھا پھر؟
ڈاکٹر واٹسن دلچسپی سے بولا: ہو سکتا ہے کہ وہاں بھی ارتقاء کے مرحلے ایسے ہی ہوئے ہوں جیسا کہ زمین پر۔ عین ممکن ہے کہ وہاں بھی انسان بستے ہوں۔ کیا خیال ہے کہ دوسرے سیاروں پر بھی زندگی ممکن ہے؟
شرلاک ہومز: ممکن تو ہے۔ اچھا پھر؟
ڈاکٹر واٹسن: مجھے بھی فلکیات سے بہت شغف ہے۔ ستارہ شناسی بھی کر لیتا ہوں۔ اس کے علاوہ پورے 34 سپرنووا بھی میں نے اپنی آنکھوں سے پھٹتے دیکھے ہیں
شرلاک ہومز: پھر؟
ڈاکٹر واٹسن: پھر کیا؟
شرلاک ہومز: ابے گدھے پھر یہ کہ چور ہمارا خیمہ چرا کر لے گئے ہیں
اس لطیفے کو نیٹ پر دنیا کے دوسرے مزاحیہ ترین لطیفے کے طور پر دیکھا اور کچھ اپنی طرف سے اضافہ کیا
🤣
مولوی صاحب دِن بھر کی بھاگ دوڑ سے فرصت پا کر گھر لوٹے تو بیوی نے کہا،
آج میں نے بڑی حیرت انگیز بات دیکھی
مولوی صاحب : وہ کیا؟
بیوی: میں نے دیکھا ، ایک مولوی صاحب آسمان پر اُڑے چلے جا رہے تھے۔
مولوی صاحب : بیوی! ذرا پہچاننے کی کوشش تو کرو، وہ میں ہی تو تھا۔
بیوٰی: جبھی! اتنا ٹیڑھے ٹیڑھے اُڑ رہے تھے۔
ایک تبصرہ شائع کریں